同大家介绍下，呢个系由小学一直friend到宜家噶同学兼老死，佢叫陈浩南，我地系因为一张剧情动作片VCD而结拜左。
正所谓物有相似，名有相同，我从来都唔觉得出奇，但系我呢位老友佢老豆竟然同佢位公子改左个咁噶名，我真系唔知世伯系非常之咁中意《古惑仔》啊，定系根本想玩自己个仔。
相信大家睇到陈浩南呢个名之后，一定唔会陌生，九十年代最热血噶《古惑仔》电影男猪脚，陈浩南，活灵活现咁出现系大家噶视线里面，无论系读法，写法都一模一样。虽然佢老哥叫陈浩南，但系性格各方面都好鹌鹑，一D都唔似南哥咁揸fit人，如果系要话佢似电影里面噶边个，我觉得系细细粒或者系饱皮，乜嘢意思？嗻系好似女人咁咯。
佢170公分，但系就成日同我纠结身高噶问题，老嘿都唔承认自己矮过我，丢，有样睇架，我高佢成个头喔，样噶话，你可以想象一下周星驰后生个阵成面逗噶情况系点，陈浩南就果个样啦，加埋宜家去剪左一个非主流噶长发，一个非主流噶衰样。
我同佢小学同班同左六年，三年班个阵先识，点解同班六年要三年班先识？因为小一，小二无交集咯，啱啱读小学个阵，识朋友都系就近原则噶，我都系前后左右，斜上斜下玩熟就算，对系呢个九宫格范围之外噶同学仔就好似患左语癌咁，好少好野，而当时陈浩南系我九宫格之外好远噶地方。
一张四蚊鸡噶翻版CS游戏碟。
宜家D玩具日新月异，我唔止一次睇到D唔够6岁噶细路仔专心致志咁系度摔紧iPhone，臂力劲D噶幼稚园小朋友都已经拎住部iPad系度四围咁碌。我地果个年代只系玩小当家噶水浒传卡，好D噶屋企有电脑就可以买老翻游戏碟玩老翻。
认识噶契机就系我宜家仲保存紧系屋企噶一张价值人民币4蚊鸡噶老翻CS游戏碟，1999年MinhLe同埋JessCliffe一齐整左个电脑game中文名叫半条命反恐精英，英文名叫Counter-Strike，简称CS，当时简直风靡全球啊，我好好彩，当时屋企有部大牛龟电脑，咁梗系唔执输，即刻去买张老翻返屋企装机玩啦，记得D老翻碟仲做得都几老翻下，乜嘢拔光驱线啊，入到界面要?制先可以安装啊，诸如此类噶大把，我呢张CS旧要?F12先入到。
CS系人人联机或者人机联机噶枪战游戏，一张地图可以调D电脑人出嚟互P，非常之唔好彩噶系我屋企部大牛龟老爷电脑无论对于当时定系宜家，D配置都非常之差，调两个人都仲卡到爆机，无计啦，玩唔到啦。
玩唔到，但系又想玩，咁点算，咁就要谂办法玩啦，于是乎，我就借张老翻出去，俾我D同学去装，之后去佢地屋企玩，而陈浩南就系我张老翻唔知第几个经手噶装碟友啦。
