系我记忆入边，父亲从来都无对我有过震撼教育，一次都无，连闹都好少，即使系我细个噶时候同人打交，呃同学钱，D学校教职员工无间道我，甚至叫埋父亲嚟学校都好，佢都系会好温柔咁原谅我，而妈妈噶教育虽然嚟得比较震撼，但系佢从来都唔会因为我读书唔好呢个咁肤浅噶原因而对我讲手。
我好惭愧，我好嬲，嬲自己，我唔系被虐狂，但系宜家真系想嚟D猛烈噶拳打脚踢。
爸妈沉默左，饭桌上只听到我噶抽泣声。
爸爸对妈妈讲：“掹张纸巾俾佢。”
妈妈瞬速把纸巾塞入我只手度，模糊噶眼睛睇到妈妈担心噶表情，我噶心更加痛。
爸爸停下筷子：“真系无野架，考唔好咪考唔好咯，无事架，仔。“
“真系无乜大不了，我以前都无你读咁多书，都系咁样生活过嚟，真系唔好喊啦，唔使喊架，成日祭晒缸流晒马尿咁点得架，你男仔嚟架。”
妈妈：“系咯仔，无咁啦，睇见你咁，我好担心架，我身体又唔舒服，唔好喊啦，吃饭啦好吗。”我妈有哮喘，身体一直都唔好，可能系我以前成日激佢要佢担心噶关系。
父亲无好似傅雷咁有文采写家书俾我安慰我，佢言简意赅咁把傅雷噶家书浓缩成为“无乜大不了”“真系无野架”呢D平凡但富有张力噶文字俾我，母亲更加唔理乜嘢高唔高考，只系会好好照顾我关怀我关心我溺爱我，平凡屋企入边噶平凡父母对仔女噶平凡安慰，但系往往就系因为呢种平凡，所以产生出唔平凡噶效果。
佢地就系我啊爸爸妈妈。
“无法可修饰的一对手，带出温暖永远在背后，纵使啰嗦始终关注，不懂珍惜太内疚。是你多么温馨的目光，教我坚毅望着前路，叮嘱我跌倒不应放弃，没法解释怎可报尽亲恩，爱意宽大是无限，请准我说声真的爱你。”音乐真系人系失意时候最真挚噶伴侣，呢晚我噶MP3一直单曲循环呢首歌，Beyond噶《真的爱你》，而呢晚，我亦都系瞓唔着。
距离成绩爆煲仲有廿几日，呢段日子我就好似《进击的巨人》入边俾巨人咬甩左个头噶路人一样，无灵魂咁行尸走肉过住日子，无动力，无方向，可能系我根本就无目标或者系我根本达唔到目标。
打开封尘左好耐噶电脑，玩住设左两个人都仲卡到爆噶CS，宜家，只有CS入边噶子弹横飞噶枪战，打到爆晒头噶视觉冲击先可以激发我沉睡神经噶跳动。
一个钟头，两个钟头过去，我连机都无心情打，百无聊赖，我瞓系梭发度发起左戆逗。
突然，鸡啼声噶NOKIA1600响起，一把好似周星驰咁噶人声冲紧入我听小骨，我就知道又系佢打嚟了。
“喂，出嚟陪我买D野啊。”
