"This'll be the Morven Arms, I'm thinkin'?" said Donal.
"It taksna muckle thoucht to think that," returned the inn-keeper, "whan there they hing!"
"Ay," rejoined Donal, glancing up; "there is something there--an' it's airms I doobtna; but it's no a'body has the preevilege o' a knowledge o' heraldry like yersel', lan'lord! I'm b'un' to confess, for what I ken they micht be the airms o' ony ane o' ten score Scots faimilies."
There was one weapon with which John Glumm was assailable, and that was ridicule: with all his self-sufficiency he stood in terror of it--and the more covert the ridicule, so long as he suspected it, the more he resented as well as dreaded it. He stepped into the street, and taking a hand from a pocket, pointed up to the sign.
"See til't!" he said. "Dinna ye see the twa reid horse?"
"Ay," answered Donal; "I see them weel eneuch, but I'm nane the wiser nor gien they war twa reid whauls.--Man," he went on, turning sharp round upon the fellow, "ye're no cawpable o' conceivin' the extent o' my ignorance! It's as rampant as the reid horse upo' your sign! I'll yield to naebody i' the amoont o' things I dinna ken!"
The man stared at him for a moment.
"I s' warran'," he said, "ye ken mair nor ye care to lat on!"
"An' what may that be ower the heid o' them?--A crest, ca' ye 't?" said Donal.
"It's a base pearl-beset," answered the landlord.
He had not a notion of what a base meant, or pearl-beset, yet prided himself on his knowledge of the words.
"Eh," returned Donal, "I took it for a skate!"
"A skate!" repeated the landlord with offended sneer, and turned towards the house.
"I was thinkin' to put up wi' ye the nicht, gien ye could accommodate me at a rizzonable rate," said Donal.
"I dinna ken," replied Glumm, hesitating, with his back to him, between unwillingness to lose a penny, and resentment at the supposed badinage, which was indeed nothing but humour; "what wad ye ca' rizzonable?"
"I wadna grudge a saxpence for my bed; a shillin' I wad," answered Donal.
"Weel, ninepence than--for ye seemna owercome wi' siller."
"Na," answered Donal, "I'm no that. Whatever my burden, yon's no hit. The loss o' what I hae wad hardly mak me lichter for my race."
"Ye're a queer customer!" said the man.
"I'm no sae queer but I hae a kist comin' by the carrier," rejoined Donal, "direckit to the Morven Airms. It'll be here in time doobtless."
"We'll see whan it comes," remarked the landlord, implying the chest was easier invented than believed in.
"The warst o' 't is," continued Donal, "I canna weel shaw mysel' wantin' shune. I hae a pair i' my kist, an' anither upo' my back,--but nane for my feet."
"There's sutors enew," said the innkeeper.
"Weel we'll see as we gang. I want a word wi' the minister. Wad ye direc' me to the manse?"
"He's frae hame. But it's o' sma' consequence; he disna care aboot tramps, honest man! He winna waur muckle upo' the likes o' you."
The landlord was recovering himself--therefore his insolence.
Donal gave a laugh. Those who are content with what they are, have the less concern about what they seem. The ambitious like to be taken for more than they are, and may well be annoyed when they are taken for less.
"I'm thinkin' ye wadna waur muckle on a tramp aither!" he said.
"I wad not," answered Glumm. "It's the pairt o' the honest to discoontenance lawlessness."
"Ye wadna hang the puir craturs, wad ye?" asked Donal.
"I wad hang a wheen mair o' them."
"For no haein' a hoose ower their heads? That's some hard! What gien ye was ae day to be in want o' ane yersel'!"
"We'll bide till the day comes.--But what are ye stan'in' there for?
Are ye comin' in, or are ye no?"
"It's a some cauld welcome!" said Donal. "I s' jist tak a luik aboot afore I mak up my min'. A tramp, ye ken, needsna stan' upo' ceremony."
He turned away and walked further along the street.
